Data:
25/01/2004 13.14.00
 rispondi
al msg
 nuovo
msg
 cerca nel forum
 torna
all'indice |
Versione da tradurre:
L.Cornelio Scipione et C.Laelio consulibus,Scipio Africanus,fratri suo L. Cornelio Scipioni consuli legatus datus,contra Antiochum profectus est.Hannibal,qui cum Antiocho erat,navali proelio victus est.Ipse postea Antiochus circa Sipylum apud Magnesiam,Asiae civitatem,a consule Cornelio Scipione ingenti proelio fusus est.Auxilio fuit Romanis in ea pugna Eumenes,Attali regis frater,qui Eumeniam in Phrygia condidit.Quinquaginta milia peditum,tria equitum eo certamine ex parte regis occisa sunt.Tum rex pacem petit.Iisdem condicionibus data est a senatu,quamquam victo,quibus ante offerebatur:ut ex Europa et Asia recederet atque intra Taurum se contineret,decem milia talentorum et viginti obsides praeberet,Hannibalem,concitatorem belli,dederet.Eumeni regi donatae sunt a senatu omnes Asiae civitates,quas Antiochus bello perdiderat,et Rhodiis,qui auxilium Romanis contra regem Antiochum tulerant,multae urbes concessae sunt.Scipio Romam rediit,ingenti gloria triumphavit.Nomen et ipse ad imitationem fratris Asiagenis accepit,quia Asiam vicerat,sicuti frater ipsius propter Africam domitam Africanus appellabatur.
Grazie per l'attenzione
Saluti
Romolo Augustolo
|
Cerca
STORIA E CIVILTA'
DIRITTO
ATTUALITA'
MAPPA DEL SITO
stampa
aggiungi
ai preferiti
imposta
come pagina iniziale
torna
su
HOMEPAGE
SEGNALA IL SITO
FAQ 
NEWSGROUP