Data:
25/08/2002 16.49.46
 rispondi
al msg
 nuovo
msg
 cerca nel forum
 torna
all'indice |
Remotis omnium equis, quo militibus, exaequato periculo, animus amplior esset, ipse pedes exercitum pro loco atque copiis instruit.Nam, ut planities erat inter sinistros montes et ab dextra rupem asperam, octo cohortes in fronte constituit, reliquarum signa in subsidio artius conlocat.Ab iis centuriones omnes, lectos et evocatos, praeterea ex gregariis militibus optimum quemque, armatum in primam aciem subdicit.C.Manlium in dextra, Faesulanum quendam in sinistra parte curare iubet.Ipse cum libertis et calonibus prope aquilam adsistit, quam bello Cimbrico C. Marius in exercitu habuisse dicebatur.At ex altera parte C.Antonius,pedibus aeger,quod proelio adesse nequibat, M.Petreio legato exercitum permittit.Ille cohortes veteranas, quas tumultus causa conscripserat, unum quemque nominans appellat,hortatur,rogat, ut meminerint se contra latrones inermes, pro patria, pro aris atque focis suis certare.Homo militaris, quod amplius annos triginta tribunus, aut paefectus, aut legatus, aut praetor cum magna gloria in exercitu fuerat, plerosque ipsos factaque eorum fortia noverat; ea commemorando militum animos accendebat.
|
Cerca
STORIA E CIVILTA'
DIRITTO
ATTUALITA'
MAPPA DEL SITO
stampa
aggiungi
ai preferiti
imposta
come pagina iniziale
torna
su
HOMEPAGE
SEGNALA IL SITO
FAQ 
NEWSGROUP