Data:
05/09/2002 12.11.49
 rispondi
al msg
 nuovo
msg
 cerca nel forum
 torna
all'indice |
1)"Un indecoroso modo di diventare un imperatore" di Svetonio:
Post Caligulae necem, Claudius eius patruus, quinquagesimum annum agens, imperium cepit mirabili casu. Nam, ab insidiatoribus Caligulae neglectus, cum illi turbam propinquorum et servorum submoverent, ille in diaetam, cui nomen est Hermaeum,recesserat. Neque multo post, rumore caedis exterritus, prorepsit ad solarium proximum et inter praetenta foribus vela se abdidit. Qui, cum lateret, forte gregarius miles, animadversis pedibus, eum agnovit, extractumque et prae metu ad genua procumbentem, imperatorem salutavit. Hinc ad alios commilitones fluctuantes et frementes eum perduxit. Ab his lecticae impositus, in castra delatus est, tristis ac trepidus, miserante obvia turba, quasi ad poenam ferretur insons. Receptus intra vallum, inter excubias militum pernoctavit, magis timens quam sperans. Verum postero die, multitudine unum rectorem rei publicae exposcente, ab omnibus imperator salutatus est.
2)"Due abili stratagemmi" di Frontino:
Lucius Aemilius Paulus consul, bello Etrusco, cum apud oppidum Vetuloniam demissurus esset in aciem exercitum, contemplatus procul avium multitudinem citatiore volatu ex silva consurrexisse, intellexit aliquid illic insidiarum latere, quod et turbatae aves et plures simul evolaverant. Praemissis igitur exploratoribus, comperit decem milia Gallorum Boiorum ibi ad excipiendum Romanorum agmen imminere. Quamobrem alio quam exspectabatur latere misit legiones et sic hostes circumfudit. Caius Duellius consul in portu Syracusarum, in quem temere intraverat, clausus obiecta catena, universos in puppes retulit milites atque ita resupina navigia magna remigantium vi concitavit: sic, levatis proris, super catenam processerunt. Qua superata, milites et nautae, rursus progressi, proras presserunt et eorum pondus navibus decursum super catenam dedit.
Grazie infinite!!!
|
Cerca
STORIA E CIVILTA'
DIRITTO
ATTUALITA'
MAPPA DEL SITO
stampa
aggiungi
ai preferiti
imposta
come pagina iniziale
torna
su
HOMEPAGE
SEGNALA IL SITO
FAQ 
NEWSGROUP